يا عم نجيب
شد اجدع نفس
يا عم نجيب محفوظ
وسلم لي ع اللي عندك
مفكرين وكتاب ورموز
وبشرهم البلد بتبوظ
واللي عملوه في ازمان
راح في وقفة ميدان
وثورجيه وبلطجيه
وجيش متردد حيران
وثرثرة هاله بنت سرحان
والواد معتز الكلبوظ
مولد الناس فيه
اشكال والوان
وناس مندسه
لاويه البوز
عاوزه امريكا
تفقعنا اكبر مهموز
وناس مش حاسه
لسه بتحسب
الزياده كام في تموز
شد اجدع نفس
يا عم نجيب محفوظ
بحسدك
صحيح الدنيا حظوظ
ليست هناك تعليقات:
إرسال تعليق